خصوصیات حتف6 شاہین ٹو

حتف چھ شاہین ٹو بیلسٹک میزائل دو ہزار کلومیٹر تک مار کرسکتاہے اور ہر قسم کے جوہری ہتھیار لے جانے کی صلاحیت رکھتا ہے ۔تجربے کے وقت پاک بحریہ کے سربراہ ایڈمرل افضل طاہر ،اعلیٰ فوجی حکام ،اسٹریٹیجک آرگنائزیشنز کے سائنس دان اور انجینئر موجود تھے۔

مبارکباد

پاک بحریہ کے سربراہ ایڈمرل افضل طاہر نے کامیاب تجربے پر آرمی کے اسٹریٹیجک فورسز کے تمام اسٹاف کو مبارکباد دی۔ ان کا کہنا تھا کہ اس تجربے سے پاکستان کی جوہری صلاحیت آپریشنل ہوگئی ہے اور پاکستان اپنی دفاعی صلاحیت اور نیوکلیئر ڈیٹرنس پر فخر کرسکتاہے ۔ایڈ مرل افضل طاہر نے ملک کی جوہری صلاحیت آپریشنل بنانے پر تمام متعلقہ فوجی اور سول اداروں کی کوششوں کو سراہا اور کہا کہ اس صلاحیت میں مزید اضافہ کیا جائے گا۔