نیویارک. ایجنسیاں

امریکی وزیر دفاع رابرٹ گیٹس نے کہا ہے کہ عراق جنگ کو منطقی انجام تک نہ پہنچایا گیا تو اس کے سنگین نتائج برآمد ہوں گے۔یہ بات انہوں نے نیویارک کی ویسٹ پوائنٹ فوجی اکیڈمی میں خطاب کرتے ہوئے کہی ۔

رابرٹ گیٹس نے اعتراف کیا ہے کہ امریکا نے افغانستان سے روس کو باہر نکال کر القاعدہ کو محفوظ پناہ گاہ فراہم کی اوراب عراق میں ایسی غلطی نہیں دہرائی جائے گی ۔ رابرٹ گیٹس نے کہا کہ عراق جنگ کو منطقی انجام تک نہ پہنچایا گیا تو اس کے سنگین نتائج برآمد ہوں گے ، مزید ایسی جنگوں اور خطرے سے بچنے کے لیے امریکا کو بھاری جانی و مالی نقصان کی قیمت پر بھی عراق میں لڑائی جاری رکھنا ہوگی ۔