پلازے کا داخلی دروازہ

العربیہ ڈاٹ نیٹ" کو جب قطری وزیر اعظم کی اس ناکام کوشش کے بارے میں معلوم ہوا تو اس کی تفصیلات حاصل کرنے کی کوشش کی گئی۔ ان تفصیلات سے معلوم ہوا ہے کہ کوئی ایک ماہ قبل شیخ حمد بن جاسم نے نیویارک کے ایک ہی پلازے میں فلیٹس خریدنے اور انہیں گرا کر ایک مکان بنانے کی خواہش ظاہر کی تھی۔

اس پر پلازے کی انتظامیہ تو راضی ہو گئی تاہم اس مکان کے آس پاس کے امریکی مکینوں نے اس کی مخالفت کی۔ وجہ یہ بتائی کہ شیخ جاسم کثیر العیال ہیں، جس کے باعث ان کا یہاں رہائش اختیار کرنا یہاں کے لوگوں کے سکون کو برباد کرنے کے مترادف ہو گا۔ خیال رہے کی شیخ جاسم کے پندرہ بچے بچیاں ہیں۔

بارہ منزلہ یہ پلازہ شاہراہ مین ہٹن پر واقع ایک تاریخی عمارت قرار دی جاتی ہے۔ اس میں بیشتر مکین امریکی ہیں، جو خود بھی امراء کےطبقے سے تعلق رکھتے ہیں۔

عمارت کی تصویر

"العربیہ ڈاٹ نیٹ" کے مطابق قطری وزیر اعظم کی نیویارک میں مکانات کی خریداری میں ناکامی کی ایک اور وجہ بھی سامنے آئی ہے۔ وہ یہ کہ چونکہ شیخ جاسم ایک اہم حکومتی شخصیت ہیں، وہ جہاں رہائش اختیار کریں گے، وہاں آئین کے مطابق انہیں ہر قسم کا سفارتی تحفظ بھی حاصل ہونا چاہیے۔

کل کو جب وہ اس جگہ اقامت اختیار کریں گے تو لامحالہ انہیں ہر قسم کا پروٹوکول بھی فراہم کیا جائے گا۔ یہ پروٹوکول آس پاس کے لوگوں کے لیے وبال جان بھی ہو سکتا ہے۔ اس کے علاوہ سیکیورٹی خدشات کی بنا پر بھی آس پاس کے لوگ شیخ جاسم کو اپنا پڑوسی بنانے پر آمادہ نہیں ہیں۔

شیخ حمد بن جاسم نے مکانات کی خریداری کے لیے کمپنی کے ساتھ سودا کرتے ہوئے اس کے لیے پانچ کروڑ پندرہ لاکھ ڈالرز کی رقم کی ادائیگی کا معاہدہ کیا تھا۔ گویا انہوں نے 604 مربع میٹر کے ان فلیٹس کے بدلے ایک مربع میٹرکے لیے اکیاون ہزار ڈالرز ادا کرنا تھے۔

ان ایک فلیٹ میں پانچ بیڈ رومز، پانچ بڑے حمام، دو ہال ایک ڈرائنگ روم، دو باورچی خانے اور کئی دیگر سہولیات سے آراستہ ہے۔ جبکہ دوسرا فلیٹ نسبتا چھوٹا ہے جس میں دو بیڈ روم اوراس کے ساتھ دیگر ضروری کمرے اور باورچی خانہ وغیرہ شامل ہیں۔ اس فلیٹ کی قیمت ساڑھے سات ملین ڈالرز مقرر کی گئی تھی۔

ایک سال قبل تک یہ دونوں فلیٹس ایک بڑھیا موگیٹ کلارک کی ملکیت میں تھے۔ گذشتہ برس وہ 104 سال کی عمر میں وفات پا گئی تھیں تاہم وہ اپنی زندگی میں بھی ایک متنازعہ خاتون سمجھی جاتی رہی ہیں۔ یہی وجہ ہے کہ ابھی تک اس کی جائیداد کا اصل مالک پردہ راز میں ہے۔