Alarabiya العربية
Alarabiya_brk اخبار عاجلة
Alarabiya_live البث المباشر
Alarabiya_shows برامج العربية
Alarabiya_spt الأخبار الرياضية
Alarabiya_Bn الأخبار الاقتصادية 
ملک میں شریعت کے نفاذ سے کوئی خوف نہیں
الیکشن کمیشن کے اختیارات بارے مصری عدالت کے فیصلوں پر عمل درآمد معطل
اتوار 22 جمادى الثانية 1433هـ - 13 مئی 2012م
مصر کی سپریم انتظامی عدالت نے گذشتہ روز صدارتی انتخابات سے متعلق رولنگ دیتے ہوئے دستوری عدالت کے اس فیصلے پر عمل درآمد روک دیا ہے جس میں عدالت نے الیکشن کمیشن کی طرف سے بعض صدارتی امیدواروں کے لیے سیاست میں حصہ لینے پر پابندی کو کالعدم قرار دیا تھا۔
عدالت نے سپریم الیکشن کمیٹی کی طرف سے دائر کردہ اپیلیں بھی سماعت کے لیے منظور کر لی ہیں۔ انتظامی عدالت کا کہنا ہے کہ الیکشن کمیشن کو یہ اختیار حاصل ہے کہ وہ چاہے تو کسی بھی امیدوار کے خلاف فیصلہ صادر کرے۔ الیکشن کمیشن ہی کسی امیدوار کو اہل یا نا اہل قرار دینے کا مجاز ادارہ ہے۔ دستوری عدالت کی طرف سے الیکشن کمیشن کے فیصلوں کے خلاف کوئی بھی نیا حکم کسی دوسری عدالت میں چیلنج کیا جاسکتا ہے۔
" العربیہ ڈاٹ نیٹ" کے مطابق انتظامی عدالت نے سات مارچ 2012ء کو جاری کردہ ایک دوسرے عدالتی فیصلے پر بھی عمل درآمد روک دیا ہے۔ اس فیصلے میں کہا گیا تھا کہ الیکشن کمیشن ووٹروں کی دائر کردہ درخواست پر کسی صدارتی امیدوار کے خلاف عدالت میں کارروائی کا مجاز نہیں ہو گا، تاہم انتظامی عدالت نے اس سلسلے میں بھی الیکشن کمیشن کی اپیلیں سماعت کے لیے منظور کرتے ہوئے ان کےخلاف آنے والی درخواستیں مسترد کر دی ہیں۔
مصر کے کثیر الاشاعت اخبار "الیوم السابع " کی رپورٹ کے مطابق ہفتے کے روز قاہرہ میں انتظامی عدالت کے جج اور ریاستی کونسل کے وائس چئیرمین مجدی العجاتی کی سربراہی میں قائم بنچ نے سماعت کے دوارن دستوری عدالت کے اس فیصلے کو مسترد کر دیا، جس میں ووٹروں کے دعوؤں کی بنیاد پر کسی انتخابی امیدوار کے خلاف کارروائی کا مجاز قرار نہیں دیا گیا۔
انتظامی عدالت نے واضح کیا کہ آئین کے مطابق کسی صدارتی امیدوار کے خلاف آنے والی کسی بھی درخواست پر الیکشن کمیشن کارروائی کا مجاز ہے۔ چاہے وہ درخواست کسی سیاست دان کی طرف سے دائر کی گئی ہو یا کسی عام شہری کی جانب سے لائی گئی ہو۔
درایں اثناء ایک دوسری پیش رفت میں ملک کی سب سے بڑی مذہبی سیاسی جماعت اخوان المسلمون نے موجودہ عبوری حکومت کے خلاف تحریک عدم اعتماد لانے کا اپنا اعلان واپس لے لیا ہے تاہم ساتھ ہی اپنی مد مقابل سلفی جماعت "النور" کی طرف توپوں کا روخ موڑ دیا ہے۔
ڈاکٹر مرسی نفاذ شریعت کے حامی!
العربیہ ڈاٹ نیٹ کے مطابق مصر کی سب سے بڑی مذہبی سیاسی جماعت اخوان المسلمون کے صدارتی امیدوار ڈاکٹر محمد مرسی نے کہا ہے کہ صدر منتخب ہونے کے بعد اُنہیں ملک میں اسلام کے شرعی قوانین کے نفاذ میں کوئی خوف نہیں ہو گا۔ ان کا کہنا تھا کہ وہ ملک میں عدل اور مساوات کا نظام قائم کرنا چاہتے ہیں اور اسلام سے بڑھ کر کوئی دوسرا سیاسی نظام عدل اور عدل اجتماعی کا حامی نہیں ہے۔
ڈاکٹر محمد مرسی نے ان خیالات کا اظہار سوئیز شہر میں اپنے ایک انتخابی جلسے سے خطاب کے دوران کیا۔ انہوں نے کہا کہ اسلام کا شرعی نظام اپنے اندر ایک توازن رکھتا ہے، جس میں شہری آزادیاں بھی ہیں اور بنیادی انسانی حقوق کی بھی ضمانت موجود ہے۔ ایسے میں ہمیں اسلام کے شرعی نظام سے خوف زدہ نہیں ہونا چاہیے۔ زمام کار ریاست کے لیے جیسا متوازن نظام اسلام فراہم کرتا ہے دنیا کا کوئی دوسرا نظام فراہم نہیں کرتا۔ انہوں نے کہا کہ اسلام وہ واحد مذہب ہے جو سائنس، علم، امن وسلامتی، اقتصادی ترقی اور فکری آزادیوں کا ضامن ہے۔
